أعتذر

بأعتذر لكل أجناس البشر



بأعتذر وقلبى واهن منكسر

أعتذر انى مسكت فى دنيتى


قدرت أعيش


رغم ضعفى وعلتى


بأعتذر انى ضعيف


وفى نظركو ما أستهلش


أطمع فى لقمه من رغيف


أولادكو منه بيمضغوا

بأعتذر لازم أكون


واضح صريح


أعتذر انى سمعت لغوكو


كلامكو عنى وهمسكو


وأنا فى الفراش راقد طريح


أعتذر عن علتى


اللى رمتكو فى سكتى


تشربوا الدم اللى


من عينى انزرف

يعتذر قلبى المستريح


على الكرسى المدولب


لجسم ناحل مرتخى


واهن كسيح


بأعتذر