الهروب اهدا خاص

بسم الله الرحمن الرحيم



السلام عليكم ورحمة الله وبركاته :-



من هيض فكر الضمير الحيّ فصلت ثوب
ثوب ٍ بـ نسج الخيال الصادق الواقعي


العام يوم انها عمست عليّ الدروب
عذرت من صحبة المتبوع والتابعي


اخترت راحة ضميري يوم اسافر واجوب
لو انّ بعض الهروج العوج تآكل معي


يا صاحبي لا تحسب اني نويت الهروب
والا تراك انته أول شخص لـ موادعي


أنا ادري انك لـ قلبي يالرّفيق محبوب
فالمذهب الحنبلي والمذهب الشافعي


جرى لك اللّي جرى لي يوم طحن الحبوب
لكنّ همي دفنته خلف حدب أضلعي


واليوم ابا اعلمك والله يغفر الذنوب
الجهل ضدّ العقل والفكر رمز الوعي


لو اني انصح بليس عن الخطا ما يتوب
ابليس للتفرقه بين العرب مولعي


وجيه تضحك لي وفيها يبين الشحوب
وأكيد ما من ضرر منها ولا منفعي


وخبث النيا عششت بـ عروق سود القلوب
وشلون أبا اقبل حججها لو بغت تدّعي


دايم خفيف الكلام تطير فيه الهبوب
والا ثقيله ولا طال الزمن موجعي


يا صاحبي لو جذبت القلب من كلّ صوب
يكفيك حاله جواب وخير ما يقنعي


ضربت وجه السّما واشوف بيض النصوب
تهلّ فوقي مصايب برقها اللاّمعي


لو انّ عنها النظر من وقت فات محجوب
لكنّ وجه الحياه بـ حال متنوّعي


وان كان تبغى الصراحه والكلام محسوب
(( ذبحت روحي وابكتب للجرايد نـعي ))