((شهيده))

صعب قلبي في الهـوى إنـه بكلماتـن تملّـك
شوق فينـي ماتطفيـه البحـور اللـي عميقـه
ارخص الغالي لغالي لـو بغـى دربـه تسلّـك
الجبـال الشاهقـه دربـن اسويهـا ابطريقـه
بـس وينك؟؟مالقيتـك!!..دوم ياقلبـي يـذلّـك
طيف حبن لو دعاني كـان باحلامـي سريقـه
لو لقيتك كان ابافرش لك رموشـي ان تظلـك
في الهجير المتّحمّل رِفها لها لـك كـل دقيقـه
لاجل يتحرك هوى قلبـي يهـوّي فـي مظلـك
بارد مّكيف علـى كيفـك يطفـي لـو حريقـه
واغزل الشعر ابجدايل من حريـرن مشتغلّـك
ضلعي المغزل ودم القلـب لونـن بـه اريقـه
واسكب العطر ابحناني وانثره فـي غيـم فلّـك
يمطرالحب الحقيقي ومـاوراء هـذي الحقيقـه
واتبعك لو طرت..او في ارض تمشي..مثل ظلك
واصنع النجمات تاجن يعتلـي راسـك بريقـه
وارشف الشهد اللي من كلماتك اطـراء ويعلـك
بالهنا والسعد افراحـك ،ولايجيـك اي ضيقـه
وان تريد الدر والجوهر انـا اتعلمـت لاجلـك
في المحيط اني اغوص..استخرج اللول وعقيقه
ماتردد لـو ثونـي فـي رضـا قلبـك ودلـكّ
لك كنوز الارض حتى.. لو اموت.. ولو غريقه
واصقل المرجان والماسات واكتب فيـه اجلـك
وانقش اسمك بالمشاعر والاحاسيـس الرقيقـه
كل هناء قلبي وروحـي فدوتـن قلبـك وكلـك
يامنى عمري اللي كنت تعيش ايامـي العتيقـه
ولو تريد ابني لـك القصـر المذهـب مااقلـك
غير عونك تكـرم العينيـن ياالزهـر برحيقـه
فيك اهلي لو يجينـي طيفـك ايـزور بمحلـك
وسط عرش القلب في وسط الخمايل والحديقـه
والدماء انهار تجري تحت عرشك مـن يظلـك
ينشر افياه ~وظلالـه عمـق وديانـن سحيقـه
والبس الثوب المطرز بالبخـور اللـي يشلـك
فوق نسمات الاماني همـس فـي دنيـا طليقـه
وآآتزين لجل لوعينـك ترانـي تشفـي غلـك
بالجمال اللـي تباهـا فيـه لانـي لـك انيقـه
اشعر ان الغانيـات تغيـر منـي مـن تحلـك
نشـوة الفرحـه بقربـي ماتساوينـي رشيقـه
باكتب الشعر المقفى ..والقصيـد الحـر دلـك
بالمعاني لوعتي تظهـر علـى وجـه السليقـه
واسكب ادموع الفرح..واشرب انا انهار طلـك
واغتسل في يـم عبراتـك وزفراتـه وشهيقـه
خذ فؤادي مثل طيرن غـرد بغصنـك وصلّـك
من شمال الارض لي~ حد الجنوب اللي لصيقه
يخفق الخافـق اليـن الـروح منـه تستهلـك
في صباحاتي وفي ممسـاي يـاوردي وريقـه
آه لو تدري انـا بالـروح بافـدي خـل خِلـك
دام انه من غلاك الـروح كانـت لـه شفيقـه
مااريد الا انت ياحلمـي تعـال انـت وتملـك
بعثرالقلـب المتيـم مـن عذوبـاتـك تذيـقـه
عهد مني لا كتبه لو (( بالشهاده)) صك خَلـك
شاهدن ياروح روحي وابصم انت في الوثيقـه